ابوعلم
عضو جديد
عدد الرسائل : 4
العمر : 52
البلد : فلسطين
الوظيفه : موظف
المزاج : تمام
احترام قوانين المنتدي : 
المزاج : 
علم بلدي : 
تاريخ التسجيل : 29/04/2008
 | | موضوع: احمد فؤاد نجم 29/4/2008, 23:46 | |
| الممنوعات
ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام
وكل يوم فى حبك
تزيد الممنوعات
وكل يوم باحبك
اكتر من اللى فات
حبيبتى يا سفينه
متشوقه و سجينه
مخبر فى كل عقده
عسكر فى كل مينا
يمنعنى لو أغير
عليكى أو أطير
بحضنك
أوأنام
فى حجرك الوسيع
وقلبك الربيع
اعود كما الرضيع
بحرقة الفطام
حبيبتى يا مدينه
متزوقه وحزينه
فى كل حاره حسره
وف كل قصر زينه
ممنوع من انى اصبح
بعشقك او ابات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم بحبك
اكتر من اللى فات
القاهرة /1976
يا فلسطينية ..
........
يا فلسطينية و البندقاني رماكو ..
بالصهيونية تقتل حمامكو فِ حماكو
يا فلسطينية و أنا بدي أسافر حداكو
ناري بإيديا و إيديا تنزل معاكو
على راس الحية و تموت شريعة هولاكو
............
يا فلسطينية و الغربة طالت كفايا
و الصحرا أنّت من اللاجئين و الضحايا
و الارض حنّت للفلاحين و السِقايا
و الثورة غاية و النصر أول خطاكو
........
يا فلسطينية و الثورة هيَّ الاكيدة
بالبندقية نفرض حياتنا الجديدة
و السكة مهما طالت و بانت بعيدة
مد الخطاوي هو اللي يسعف معاكو
.........
يا فلسطينية فيتنام عليكو البشارة
بالنصر طالعة من تحت مية ألف غارة
و الشمعة والعة و الامر كان بالخسارة
راجعين حيارى عقبال ما يحصل حداكو
بقرة حاحا
........
ناح النواح و النواحة
على بقرة حاحا النطاحة
و البقرة حلوب .. تحلب قنطار
لكن مسلوب .. من أهل الدار
و الدار بصحاب .. و حدعشر باب (11 باب )
غير السراديب .. و بحور الديب
و غيلان الدار .. واقفين بنهار
و ف يوم معلوم ... عملوها الروم
زقوا الترباس ... هِربوا الحراس
دخلوا الخواجات .. شفطوا اللبنات
و البقرة تنادي .. و تقول يا ولادي
و ولاد الشوم ... رايحين ف النوم
البقرة انقهرت .. م القهر انصهرت
وقعت بالبير .. سألوا النواطير :
طب وقعت ليه ..؟
وقعت م الخوف
و الخوف يجي ليه .. ؟
من عدم الشوف
و قعت م الجوع و م الراحة
البقرة السمرا النطاحة
ناحت مواويل النواحة
على حاحة و على بقرة حاحا
دور يا كلام على كيفك دور
دور يا كلام على كيفك دور
خلي بلدنا تعوم في النور
وارمي الكلمة في بطن الضلمة
تحبل سلمة وتولد نور
يكشف عيبنا ويعيبنا
نسعى نهب نثور
دور يا كلام على كيفك دور
عم امام عنده كلام
وسواح في بلاد الناس
من شوق نوله يغزل قوله
ويغني مرفوع الراس مرفوع الراس
دعوة
يا خالقنا وعالم بلاوينا
يا رازقنا
وحاسب خطاوينا
نسأل فضلك
من إحسانك
يظهر عدلك
وبسلطانك
يطلع فلاح من وسطينا
يزعط أفندينا
وحرامينا
الحمد لله
الحمد لله خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار
ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار
| |
|
ابوالنور
المشرف العـــــام
عدد الرسائل : 977
العمر : 47
البلد : فلســـــــــــــــــــــــــــــطين
الوظيفه : صاحب محل كمبيوتر(بيع - شراء - صيانه - تبديل )
1 : المشرف العام
احترام قوانين المنتدي :
2 : فلسطين
المزاج : 
علم بلدي :
تاريخ التسجيل : 02/03/2008
| | موضوع: رد: احمد فؤاد نجم 30/4/2008, 03:25 | |
| | |
|
عاشقه الفتح
مشرفة قسم الجمال والاناقه
عدد الرسائل : 88
العمر : 34
الوظيفه : طالبه
احترام قوانين المنتدي :
المزاج :
علم بلدي :
تاريخ التسجيل : 15/03/2008
| | موضوع: رد: احمد فؤاد نجم 2/5/2008, 03:09 | |
| | |
|
مشكور وتسلم ايديك
